Djarmai: 3 dekada

Djarmai di Noss

Ma nka kre pa note bem

pan pode ka durmi,

barriga ta ronkan

note inter

E si n´durmi

nka ta kre pa manxe

pan ka korda e pan ka lembra

pamode onte n´ka kebra djudjun

Djarmai di noss

É um barku a vela , a deriva

sem leme nem bússula

marinher na desnorte, num kalmaria

sem ankura nem distine sert

Djarmai di noss

É um kriansa premature

inkubade na stéra,

na oras di amargura ta spera milagre…

mas ate kuandu djarmai di noss??

É um vida sem alma

um voz sem eco

um muribundu na ralente

mil e um diver sem direite algun,

ma ki triste sina Djarmai

É um gaivota sem pé

di biku serradu, sem asa nem rabe pa faze di leme

mas ki pena djarmai di noss

É promessas di treta, projetes na gaveta

cimentes na djasig ta durmi na obskuridad

mas ki injustisa?

Djarmai di noss…

Três década sem stória

ku obid na alerta, ta spera nuticia di kapital,

te ku dia ku progresse ta txiga??

Djarmai di noss

É um limaria sem rabe

ku moska dja tuma konta

ta jeme di dor sem sabe pamode,

mas pamode??

Poema skrebed pa:

Alfredo Ramos Tavares (Fefe di Kandin)